[భాగవత కథా ప్రారంభములో సూతుడు ఈ విధముగా చెప్పెను:] నారాయణ కథవలన - ఎయ్యే ధర్మంబులు - తగులు వడవు - అవి = (జీవుడు ఆచరించు) ఏ ధర్మములు భగవంతుని ధ్యేయముతో ముడిపడి ఉండవో అవి;

నిరర్థకంబులు = ప్రయోజనము లేనివి (అనగా పరధర్మమునకు పనికి రానివి);
అపవర్గ = అరిషడ్వర్గములకు దూరమైన అనగా మోక్షమార్గమునకు;
పర్యంతమైన = దగ్గరైన;
పరధర్మంబునకు = పరమ ధర్మమునకు;
దృష్ట-శ్రుత = కనిపించు, వినిపించు;
ప్రపంచార్థంబు = ప్రాపంచిక ప్రయోజనము;
ఫలంబు గాదు = ఫలితము కాదు;
ధర్మంబునందు - అవ్యభిచారియైన = నియమము అతిక్రమించకుండ పాటించుచున్న ధర్మమునకు;
అర్థంబునకు గామంబు ఫలంబు గాదు = కామము ఫలితము కాదు (అనగా కోరికలను మనసులో ఉంచుకొని ధర్మమార్గను అనుసరించరాదు అని అర్థము);
విషయభోగంబైన కామంబునకు - ఇంద్రియ ప్రీతి ఫలంబు గాదు = ప్రాపంచిక విషయములతో కూడిన భోగములు (ఆచరించవలసినప్పుడు వాటిని) ఇంద్రియ ప్రీతి కొఱకు చేయరాదు;
ఎంత తడవు జీవించు నంతియ కామంబునకు ఫలంబు = ప్రాపంచిక కామములు జీవితము చాలించు వరకు మాత్రమే ప్రయోజనములు;
తత్త్వజిజ్ఞాసగల జీవునకు = తత్వ జ్ఞానము తెలియగోరు జీవునకు;
కామంబులచేత నెయ్యది సుప్రసిద్ధంబు = కామములచేత కలుగు ఏ ఫలితముకూడా;
అదియు - అర్థంబు గాదు = (ఆ తత్వ జ్ఞానమునకు) ప్రయోజనము చేకూరదు.