సంసార మిది = ఈ భౌతిక ప్రపంచము;
బుద్ధిసాధ్యము = బుద్ధి వలన ఏర్పడినది;
గుణకర్మ గణబద్ధము = త్రిగుణములచే జనించిన కర్మ గణములచే బద్ధమైనది;

అజ్ఞానకారణంబు = అజ్ఞానమే దీనికి మూలము;
కలవంటిది = [ఈ భౌతిక ప్రపంచము] కల వంటిది;
ఇంతియ కాని = అంతే కాని;
నిక్కము గాదు = నిజమైనది కాదు;

సర్వార్థములు = [ఈ భౌతిక ప్రపంచములోని] అన్ని విషయములు;
మనస్సంభవములు = మనస్సు నుండి పుట్టినవే;
స్వప్నజాగరములు సమములు = నిద్రావస్థ, మెలకువ - ఈ రెంటికి భేదము లేదు;

గుణశూన్యుఁడగు పరమునికి = ఎట్టి గుణములు లేనట్టి భగవంతునికి;
గుణాశ్రయమున = [ఈ శరీరమునందు] గుణములు ఆశ్రయించుట వలన;
భవవినాశంబులు = పుట్టుక, మరణము
పాటిల్లి నట్లుండుఁ = కలిగినట్లుండును;
పట్టి చూచిన లేవు = [కాని] పరిశీలించి చూచినచో [ఈ జనన మరణములు] లేవు;
బాలురార! = ఓ బాలురార!

కడఁగి = [కనుక మానవుడు] ప్రయత్నము చేసి;
త్రిగుణాత్మకములైన కర్మములకు = త్రిగుణములచే ఏర్పడిన కర్మలకు;
జనకమై వచ్చు నజ్ఞానసముదయమును = కారణమైన అజ్ఞానములను;
ఘనతర జ్ఞానవహ్నిచేఁ గాల్చి పుచ్చి = బలమైన జ్ఞానము అనే నిప్పుతో కాల్చి వేసి;
కర్మవిరహితులై = [అందు మూలముగా] కర్మలను నివృత్తి చేసికొని;
హరిఁగనుట మేలు = [తద్వారా కలుగు జ్ఞానమే పరమాత్వ తత్వము గాన; అట్టి] భగవంతుని చూచుట శ్రేష్ఠము;