కొంపగాలు వేళ
పద్యము:
కొంపగాలు వేళ గునపంబు చేబూని
 బావి త్రవ్వ నేమి ఫలము గలుగు
 ముందు చూపు లేని మూర్ఖుండు చెడిపోవు
 లలితసుగుణజాల తెలుగుబాల
koMpagAlu vELa gunapaMbu cEbUni
 bAvi travva nEmi phalamu galugu
 muMdu cUpu lEni mUrkhuMDu ceDipOvu
 lalitasuguNajAla telugubAla
తాత్పర్యము:
లలిత సుగుణాల ఓ తెలుగుబాల!
 ముందుచూపు లేనివారలు మూర్ఖులై నష్టపోవుదురు.
 ఉదాహరణకు ముందుచూపు లేక ఇంటిని కాపాడుకొనే సూత్రములను పాటించక
ప్రమాదములో తన యిల్లు కాలిపోయిన వేళ వరకు ఆగి
 అప్పటికప్పుడు నీటి కొఱకు ఒక గునపముతో బావిని త్రవ్వుట వలన
 సకాలములో ఫలితము కలుగదు కదా!
 కనుక ముందుచూపుతో పనులు చేసికొనుట ఎంతో లాభదాయకము.