తగిలినంత మేర
పద్యము:
తగిలినంత మేర దహియించు కొనిపోవు
 చెడ్డవాని చెలిమి చిచ్చువోలె
 మంచివాని మైత్రి మలయ మారుత వీచి
 లలిత సుగుణజాల తెలుగుబాల
tagilinaMta mEra dahiyiMcu konipOvu
 ceDDavAni celimi ciccuvOle
 maMcivAni maitri malayamAruta vIci
 lalita suguNajAla telugubAla
తాత్పర్యము:
అడవిని కాల్చివేసే నిప్పు ఏ చెట్టు మీద పడితే ఆ చెట్టును కాల్చివేయును.
 అటులనే గుణములేని వారు ఎవరితో స్నేహము చేసెదరో వారు గుణహీనులగుదురు.
 కాని మంచి గుణములు కలిగినవారితో స్నేహము చేసిన యెడల
 ఎత్తైన మలయ పర్వతము ఏవిధముగ చల్లని గాలిని అందరికి పంచునో,
 ఆ స్నేహము మనకు కూడ మంచి గుణములను పంచును.