పద్యము:

తగిలినంత మేర దహియించు కొనిపోవు
చెడ్డవాని చెలిమి చిచ్చువోలె
మంచివాని మైత్రి మలయ మారుత వీచి
లలిత సుగుణజాల తెలుగుబాల

తాత్పర్యము:

లలితసుగుణాల ఓ తెలుగుబాల!
అడవిని కాల్చివేసే నిప్పు ఏ చెట్టు మీద పడితే ఆ చెట్టును కాల్చివేయును.
అటులనే గుణములేని వారు ఎవరితో స్నేహము చేసెదరో వారు గుణహీనులగుదురు.
కాని మంచి గుణములు కలిగినవారితో స్నేహము చేసిన యెడల
ఎత్తైన మలయ పర్వతము ఏవిధముగ చల్లని గాలిని అందరికి పంచునో,
ఆ స్నేహము మనకు కూడ మంచి గుణములను పంచును.

For line-by-line practice, go to this link