పద్యము:

కలిమి గలుగ నేస్తగాండ్రు వేలకు వేలు
కలిమి లేక చెలిమికాండ్రు లేరు
లేమివేళ మిత్రులే ప్రాణమిత్రులు
లలిత సుగుణజాల తెలుగుబాల

తాత్పర్యము:

లలితసుగుణాల ఓ తెలుగుబాల!
మనకు సంపదలు ఎక్కువగా ఉన్న వేళ వేలాదిమంది ఆ సంపదను చూసి మనతో స్నేహము చేసెదరు.
ఆ సంపదలే మనము పోగొట్టుకొనిన వేళ ఆ వేలాది మందిలో చాల తక్కువ మంది మిత్రులుగా మిగిలియుండెదరు.
సంపదలు లేనివేళ మిగిలిన మిత్రులే మనకు నిజమైన ప్రాణమిత్రులు.

For line-by-line practice, go to this link