నేను మస్తకంబు వంచి మ్రొక్కి, తత్కరుణకు సంతసించుచు
మదంబు దిగనాటి, మచ్చరంబు విడిచి, కామంబు నిర్జించి, క్రోధంబు వర్జించి,
లోభమోహంబుల వెడల నడిచి, సిగ్గు విడిచి,
యనంతనామంబులు పఠించుచుఁ,
బరమభద్రంబు లయిన తచ్చరిత్రంబులం జింతించుచు,
నిరంతర సంతుష్టుండనై కృష్ణుని బుద్ధి నిలిపి, నిర్మలాంతః కరణంబులతోడ
విషయ విరక్తుండనై కాలంబున కెదురు సూచుచు భూమిం దిరుగుచు నుండు;