మూలప్రకృతియు, మహదహంకారంబులును, బంచతన్మాత్రంబులు,
నివి యెనిమిదియుం బ్రకృతులనియును, రజస్సత్త్వతమంబులు మూడును
బ్రకృతి గుణంబు లనియును, గర్మేంద్రియంబు లయిన వాక్పాణిపాద
పాయూపస్థంబులును జ్ఞానేంద్రియంబులైన శ్రవణనయన రసనా
త్వగ్ఘ్రాణంబులును మనంబును మహీసలిల తేజోవాయు గగనంబులును
నివి పదాఱును వికారంబులనియును గపిలాది పూర్వాచార్యులచేతఁ
జెప్పంబడియె, సాక్షిత్వంబున నీ యిరువదేడింటిని నాత్మగూడియుండుఁ.