ఆటపాటలు
ATapATalu - Play & Learn!

«తెనుగు
రాజా పరీక్షిత్ (rajA parIkshit)
గుణసంధి (guNasaMdhi)
పాటలు

తెలుగుభాష: ☑ మా తెలుగు తల్లికి  ☑ తేనెల తేటల మాటలతో   ☑ శాతవాహనుల వంశాన 
జానపద గీతాలు: ☑ కొండొండోరి సెరువుల కింద 

కొండొండోరి సెరువుల కింద సేసిరి ముగ్గురు యెగసాయం - ఆ సేసిరి ముగ్గురు యెగసాయం
 ఓడికి కాడి లేదు - రెండు దూడలేదు

 కాడి దూడ లేనెగసాయం పండెను మూడు పంటలు - ఆ పండెను మూడు పంటలు
ఒకటి వడ్లు లేదు - రెండు గడ్డి లేదు

 వడ్లు గడ్డి లేని పంట విసాకపట్నం సంతలొ పెడితె - విసాకపట్నం సంతలొ పెడితె
 వట్టి సంతే గాని - సంతలొ జనం లేరు

 జనం లేని సంతాలొకి వచ్చిరి ముగ్గురు షరాబులు - ఆ వచ్చిరి ముగ్గురు షరాబులు
 ఓరికి కాళ్ళు లేవు - రెండు సేతుల్లేవు

 కాళ్ళు సేతులు లేని షరాబులు తెచ్చిరి మూడు కాసులు - ఆ తెచ్చిరి మూడు కాసులు
 ఒకటి ఒల్ల ఒల్లదు - రెండు సెల్ల సెల్లవు

 ఒల్ల సెల్లని కాసులు తీసుకు యిజయనగరం ఊరికిపోతె - యిజయనగరం ఊరికిపోతె
 ఒట్టి ఊరే గాని - ఊళ్ళొ జనం లేరు

 జనం లేని ఊళ్ళోను ఉండిరి ముగ్గురు కుమ్మర్లు - ఆ ఉండిరి ముగ్గురు కుమ్మర్లు
 ఒకడికి తలలేదు - రెండుకి మొలలేదు

 తల మొల లేని కుమ్మర్లు సేసిరి మూడు భాండాలు - ఆ సేసిరి మూడు భాండాలు
 ఒకటికి అంచులేదు - రెంటికి అడుగు లేదు

 అంచు అడుగు లేని భాండాలో ఉంచిరి మూడు గింజలు - ఆ ఉంచిరి మూడు గింజలు
 ఒకటి ఉడక ఉడకదు - రెండు మిడక మిడకదు

 ఉడకని మిడకని మెతుకులు తినుటకు వచ్చిరి ముగ్గురు సుట్టాలు - ఆ వచ్చిరి ముగ్గురు సుట్టాలు
ఒకడికి అంగుడు లేదు - రెండు మింగుడు లేదు

 అంగుడు మింగుడు లేని సుట్టాలు తెచ్చిరి మూడు సెల్లాలు - ఆ తెచ్చిరి మూడు సెల్లాలు
 ఓటి సుట్టు లేదు - రెండు మద్దె లేదు

 దీనిభావము తెలియురా?