పరీక్షిన్మహరాజా! కలియుగము గురించి మీకింతటి మనో వ్యాకులము అనవసరమని నా అభిప్రాయము. మీరు మీ తాతగారైన ధర్మరాజు కంటే ఎక్కువగా దానధర్మాలను చేశారు. ఇప్పటికే మూడు అశ్వమేథ యాగాలు కూడా పూర్తిగావించారు. ఇంత ధర్మబద్ధముగా సాగుతున్న మీ పరిపాలనలో ఎటువంటి అధర్మమునకు తావు కలుగదని నేనంటాను. మరి నాకు సెలవిప్పిస్తే... [కొద్దిగా లేవబోయి ఒక భటుని రాకతో మరల కూర్చొనును]
Play Pause

చూశారా! నామాటలు అక్షరాలా నిజం. శత్రువులు కూడా మీ ధర్మ పరిపాలనను గుర్తించారంటే, ఇక కలి యుగము గురించి మీకనవసరం. నిశ్చింతగా మీరు కొద్దిరోజులు విశ్రాంతి తీసుకోండి. కొంచెం ఎండలు మెండుగా ఉన్నా, మానసోల్లాసమునకు వేటకు బయలుదేరండి. నామాటలు నమ్మండి. ఇక నాకు సెలవిప్పిస్తే... [కొద్దిగా లేవబోయి ఇంకొక భటుని రాకతో మరల కూర్చొనును.]
Play Pause

[కొద్దిసేపాగి] రాజా, ఆజ్ఞాపించండి, మన రాజ్యంలోని వేద విభులను, పండితులనందరిని కొనితెచ్చెదము. వారు మీ మనోవ్యాకులమును తప్పక నివారింపగలరు.
Play Pause

రాజా, మీ ఆజ్ఞానుసారము ఇదిగో మనరాజ్యములోని వేదపండితులనందరిని పిలిపించాను.
Play Pause

హరిచేతను దనుజేంద్రులు
ధరఁ ద్రుంగెడు భంగి నీ పదస్పర్శముచే
గురుపాతక సంఘంబులు
పారిమాలుఁ గదయ్య యోగిభూషణ వింటే.

హరె కృష్ణ హరె కృష్ణ కృష్ణ కృష్ణ హరె హరె
హరె రామ హరె రామ రామ రామ హరె హరె