ఏరా మునిబాలకా! మారాజ్యంలోనే ఉంటూ, రాజుగారినే శపించెదరా? ఎంత అహంకారము? తండ్రీ, ఆజ్ఞాపించండి, ఇప్పుడే వెళ్ళి ఆ మునిబాలకుని తల వేయి ముక్కలు జేసి, మీముందుంచెదను. నేనీ కోపమును తాళలేను.

ఆజ్ఞాపించండి తండ్రీ! ఆజ్ఞాపించండి. ప్రజలకు పాలకులపై గౌరవమర్యాదలు లేకున్న దేశమేగతిపాలవును?

మంత్రివర్యా! మీరైనా రాజుగారికి నచ్చచెప్పండి. ఆయన ఆజ్ఞను శిరసా వహించడానికి సిద్ధంగా ఉన్నాను.

లేదు మంత్రీ! లేదు. జనమేజయ! వేగిరపడకు. ఒకతప్పును వేరొక తప్పుతో సరిచేయగలమా? ఎంత చిన్న తప్పిదమైనా, నేను చేసినది నేరమే! కష్టాలలో ఉన్నపుడే మనిషి నిజస్వరూపము బయటపడును. ఇన్ని సంవత్సరాలు ధర్మబద్ధముగా పాలించుచున్ననూ, రాజుననే అహంకారము నాలో ఇంకా చావలేదు. మా తాతగారైన ధర్మరాజు ఒక ముంగిస చెప్పిన కథ గుర్తులేదా?

జనమేజయ! నేడే నీ పట్టాభిషేకమునకు తయారుకమ్ము. భటులారా! జనమేజయుని పట్టాభిషేకానికి పురోహితులను, బలములను తయారుచెయ్యండి. (కొంచెం ముందుకు నడచును, మంత్రివైపు తిరుగును).

మంత్రీ! నాకాలము దగ్గరైనది. ఒక మనిషి కి ఏడు రోజులలో మరణము సంభవించునని తెలిసినపుడు, చేయవలసిన కర్తవ్యమేమిటి?

[కొద్దిసేపాగి] రాజా, ఆజ్ఞాపించండి, మన రాజ్యంలోని వేద విభులను, పండితులనందరిని కొనితెచ్చెదము. వారు మీ మనోవ్యాకులమును తప్పక నివారింపగలరు.

మునిబాలకా! నీవిక వెళ్ళవచ్చు. ఒక మనిషిగా నాకర్తవ్యమును తెలిసికొనుటకు ఇదే నాకు కలిగిన వరముగా భావించెదను. (మునిబాలకుడు వెడలిపోవును.)

తండ్రీ, ఏమిటీ ఘోరము? ఒంటి కాలి స్థంభముతో ఒక గదిని కట్టించెదమా? మీ ఆయుస్సు కోసం ఆయుష్టోమం చేయిస్తాను. సర్పములనన్నింటిని నేను హతమార్చగలను.

జనమేజయ! ప్రతి మనిషికి మరణము తధ్యము. నేను అదృష్టవంతుడను ఎందుకంటే నేను ఎన్ని రోజులు జీవించెదనో నాకు నిశ్చితంగా తెలిసినది, ఇక నా కర్తవ్యాన్ని తెలుసుకొనవలెను. వెళ్ళు, వెళ్ళి నీ పట్టాభిషేకానికి తయారుగా.